Yeh ikisvi sadi hai,Yaha sab kuch bikta hai...
Paiso ke aage har sir jhukta hai..
Satta ke aage koi nahi tikta hai..
Yeh ikisvi sadi hai..
Iman bikta hai..
Dharm bhi bikta hai..
kukarm ki sharm bhi paiso se dhank li jaati hai..
Yeh ikisvi sadi hai..
Usool bhi dastur aur zarurat dekh badal diye jaate hai..
Sachai ka ab mol nahi
kyunki Sach paiso ki bhatti me pakta hai..
Yeh ikisvi sadi hai..
Majboori mein hum har baar paiso ki takat se haar jaate hain...
Imandari aur usoolo ke saath bhi khali hath reh jaate hai..
Mukdarshak hote nahi hai bana diye jaate hai..
Yahan kis par dosh madho??
Har koi kabhi majburi toh kabhi lalach ke naam par bikta hai..
Yahan har koi katghre me khada hota hai..
kyunki choti si yaa badi baat par har koi imaan bechta hai..
Kyunki yeh ikisvi sadi hai Yaaro ,aur yaha sab kuch bikta hai..!!!
