I always used to wonder ki romantic stories ki shuruat hamesha baarish se hi kyun hoti hai.. ! And finally ek din mujhe mera jawaab mila..
Barsaat ka mausam tha,thodi thodi bheegi bheegi si mai thi,haath me ek umbrella jo kisi kaam ka nahi tha, kyunki baarish kaafi tej ho rahi thi. Pahanchna tha PG me 9pm se pehle. Issiliye jaise taise dheere dheere kadam badhate hue jaa rahi thi. Bangalore ka wo area abhi bhi yaad hai. Raaste ka construction chal raha tha shayad,toh kichad hi kichad tha charo ore. Bas pray kar rahi thi ki Bhagwaan aaj kisiko bhej de lift dene k liye. Aaj toh kisi k bhi gaadi me chali hi jaungi. Aur tabhi meri khush-kismati se ek HANDSOME sa biker guzra. Aap log yehi soch rahe honge na ki ussne mujhe lift offer kiya aur mai khushi khushi chali gayi uske saath ! ? Nahi. Aisa kuch nahi hua :( Wo kamina (excuse me for the usage of this word) toh teji se nikal gaya aur mujh pe raaste ka saara kichad daal gaya. Mann toh kiya tha ki bhaag k jaun aur usse khinch kar raaste pe hi gira dun,par bhaagene ka koi mood nahi tha tab.
Kisi tarah se dimaag shaant kar k phir se chalne lagi. Ek Honda City. Ek formal kapde pehna hua driver. Gaadi me FM on tha aur gaana baj raha tha "Dil kya kare,jab kisiko,kisi se pyaar ho jaaye". Mere paas aate aate gaadi slow hote gayi. Aur phir glass down karte hue driver ne pucha "kahin drop karna hai aapko ?"
Bas,aur der karne ki koi wajah nahi thi. Haan bol kar chhadh gayi gaadi me. Tab jaakar gaur se dekha bande ko. Kya mast banda tha yaar !! Ya phir shayad baarish ka dosh tha ki wo mujhe itna acha lag raha tha. 2 minutes tak ussko nihaarti rahi. He must have felt weird about it. Par bechaara kuch bola nahi. Bas mere PG ka route puch raha tha. Mai bhi kam badmaash nahi thi. Shortcut tha jo 15 min me mujhe pahancha deta. Par nahi. Maine usse ghuma ghuma k route bataya taaki jyada time saath rehne ka mauka mil jaaye. Desperate bolo,pagal bolo. Jo kehna kaho. But at that moment,it was not me. At least not the usual me ! For the first time in my life i was falling for a guy,that too a complete stranger.
Jab nazar hati uss se toh realize hua ki FM pe mera favourite gaana baj raha tha "Kahin toh hogi wo- Jaane tu ya jaane na". Toh ussi k saath gungunane lag gayi. And Thank God maine gaana gaaya,kyunki issi wajah se uss bande ne mujhe notice kiya aur phir naam puch kar taareef kiya mere singing ka. I was jumping inside my heart,literally jumping. Phir dheere baat hui. Pata chala ki Software Company me kaam karta hai aur bangalorean hi hai. Aur pata nahi kyun tabhi mera PG aa gaya. Toh kam se kam 20 baar thank you bol kar mai utar kar jaane hi lagi thi ki ussne piche se awaaz di aur mujhse mera number liya aur bola "sirf thank you se kaam nahi chalegi. Mere help k liye u ll have to treat me"
Mai toh khushi k maare blush karte rahi raat bhar :) Aur number exchange k baad obviously texting ka silsila shuru hua. Kabhi kabhar milne ka silsila bhi shuru hua. Then we found out ki kaafi saari cheezein thi jo hum dono me common thi. Kaafi achi understanding ban ne lagi thi. Dekhte hi dekhte gehri dosti aur phir kya tha... PYAAR.
Logon ki love stories kaafi complicated aur extra-ordinarily special hoti hain. Par ye thi meri love story. Short n simple n cute. I am so happy ki mere paas koi gaadi nahi thi uss din. Aur acha hua ki uss biker ne mujhe lift nahi di. Jaise bola jaata hai na ki kab,kahan,kaise tumhe wo insaan mil jaaye jise uparwaale ne tumhare liye hi bheja hai,kisiko pata nahi rehta. Waise hi mujhe bhi kuch pata nahi tha ki "Wo bheegi bheegi shaam" meri zindagi ki itni haseen aur important shaam ban jaegi.
Aaj bhi hum dono saath hain. Aur kabhi baarish hoti hai,toh nikal jaate hain ussi honda city me kahin dur. Bass wo aur mai. Yaad karne "wo bheegi bheegi shaam" ! :)
