Waqt fir chala jaata hai...

Koi khushi aaj mili hai, toh use puri tarah samet lo.
Kyuki waqt fir chala jaata hai!
Kaash kuchh seconds aur mil jaate...
Yeh khayal baar baar aata hai.
Zara hasne ki wajah mili hai, toh dil khol ke aaj hans lo.
Kyuki waqt fir chala jaata hai!
Kaash thoda aur hans liye hote...
Yeh khayal baar baar aata hai.

Kisi ka saath aaj mila hai, toh har lamha uske saath jee lo.
Kyuki waqt fir chala jaata hai!
Kaash us din gusse me itni jaldi sign-out na kia hota...
Yeh khayal baar baar aata hai.

Aur aisi kai cheezein hain, jinhe hum yunhi for-granted lete hain..
Ghar ka khana... Pocket money ka aana...
Mummy ka samjhaana... Papa ka daant lagaana...
Jab baahar akele rehna padhta hai, tab dimaag line pe aata hai.. :/
Lekin waqt tab tak chala jaata hai :/

Koi mauka mila hai aaj, toh fauran khudko saabit kar do.
Kyuki waqt fir chala jaata hai!
Kaash thodi si himmat kar liye hote...
Yeh khayal baar baar aata hai.
Waqt fir chala jaata hai...
Aur aise kai "kaash" aate hain mann me,
Jinka koi matlab nahi reh jaata hai...
Kyuki waqt tab tak chala jaata hai.