mujhe apne garbh me 9 mahine paalne waali vo maa hi thi
mere baare me soch soch kar ke jiski neend uddh jaati thi vo maa hi thi
mujhe na-sehen-karne-waala dard jhel kar is duniya me laane waali vo maa hi thi
mujhe sulaane ke liye apni neend kurbaan karne waali vo maa hi thi
mujhe sookhi jagah par sullaa kar khud geeli jagah par sone waali vo maa hi thi
mujhe naye kapde khareed kar khud puraani saree me hi khush ho jaane waali vo maa hi thi
mujhe english school me daakhil karva kar khud hindi newspaper padhne waali vo maa hi thi
mere liye papa se bhi ladd jaane waali vo maa hi thi
mujhe naye pakwaan khila kar khud bhookhe paet so jaane waali vo maa hi thi
mujhe raat bhar padhta dekh khud naa so paane waali vo maa hi thi
mere acche number aane par khushi ke aansu bahaane waali vo maa hi thi
meri guitar classes ke liye apne monthly budget me kataauti karne waali vo maa hi thi
mujhe english movie dekhne dene, apna daily soap chodne waali vo maa hi thi
behen ke saath ladaai hone par meri side lene waali vo maa hi thi
mere modern jokes ko enjoy karne ki try karne waali vo maa hi thi
pados waali aunty se meri tareef sun ke proud feel karne waali vo maa hi thi
behen ki shaadi ki taiyaariyo me chup chup ke rone waali vo maa hi thi
meri biwi ke saath chup chaap adjust karne waali vo maa hi thi
roz mere phone ka intezaar kar ke uff tak na karne waali vo maa hi thi
mere saath kuch time spend karne ki ummed me late tak jaagne waali vo maa hi thi
mere kaaran old age home jaate hue bhi muskuraane waali vo maa hi thi
roz roz phone kar mera haal jaanne waali vo maa hi thi
apne aakhri din par bhi meri lambi umar ki wish karne waali vo maa hi toh thi
jiska ehsaan main agle 7 janam me bhi na chuka paau vo meri maa hi toh thi ..
