WRITTEN AFTER A DATE WHEN WE DIDN'T STAY TOGETHER
Aap aane wale the mujhse milne,jhoom rahi thi main,
dil mera gunguna raha tha,muskura rahi thi main..
Apne baal saware,'gajar ka halwa' bhi pakaya, naye kapde laayi,
Aapse milne ki khusi aisi thi ki raat ko neend v na aayi..
Subah phn ki ghanti baji to maine jhapat ke uthaya,
Jhatpat taiyyar ho bhaagi main jab aapne bulaya...
Bht pyar se nihaar rahe the aap, kaha ki main 'pari' hoon,
"itni pyari ho shona tum ki lagtaa hai choom loon"
Sharma k nazrein jhuk gayi meri, bhaari si ho gayi thi palkein,
Fir v chor nazron se dekha jab aapko, ruk si gayi thi dhadkanein..
Uss din mujhe jannat to mili, par aapke jaane ka gam bhi tha,
Fir se tanha ho gayi main, jaise yaha koi mera apna na raha..
Laut ka apne kamre mein aayi to yaha thi aapki kucha yaadein,
Kuch khat, ek tasveer, tohfe aur dher saari pyaar bhari baatein...
Rok nhi paayi thi main aansuon ki behti dhaara,
Sirf 'bab-bab' tha mere saath, mera apna, mera pyara
Aapki wo tasveer meri tadap ko dekh kar maano mujhse keh rahi thi,
"unse nahi unki yaadon se mohabbat karo, yaadein saath nibhaengi"..
Maine kaha ki dard hai to kya hua, isme bhi unka hi ehsaas hai,
Ye yaadein unki hi di hui hain, isliye to khaas hain..
Pyar aapse bhi hai, aapki meethi meethi baaton se bhi,
Aapki aadaton se bhi hai aur aapki yaadon se bhi..
NOTE: 'bab-bab' is my teddy bear
