Twilight (shaam hai dhua dhua)
Uh ek Bella naam ki laundiya rahein, ookher maa-baap ka jhagda ho gavaa tha to voh apan maiya ji ke saath rahine lagi. Maiya ji ko mil gaye siayan ji to vo Bella ko bhej din babu ji ke paas. Babu ji rahein daroga.
Bella ka sakool me naam likhva deen. Sakool me kuch pisaachon ka bada bhoukal tha. Uhme se ek Edward namm ka launda tha, use ladkiya badi line deti thi par vo to meetha laagat tha.
Ek din bella ji kaan me gullu lagaye gaana sunae me laagi thi ki tabhi aa gayo ek tractorvaan, bhed dis unki gaadi me, bella ji bhi beech me pachakne vaali thi lekin, edward tapak pade, tractor ko pachka diya aur tochan hone se pehle bhaag nikle. Bella ji haanfti reh gayi, fir kya tha, vo pad gayi peeche Edward ke, dhamkaane lagi sach batane ko.
Edward thehre nautanki baaj, raat ko aakar Bella ko ghurte, fir subah chillate. Bella de din unko tailer tang aa ke. To Edward bole chalo jungle me hammar saath ghuman chalo. Bella pehle thodi nakhre dikhayin, fir maan gayi.
Jungle me pahuch ke Edward eeh ped uhh ped kudan laage, Bella ko dirwaane ke liye. Bella to puri jhaansi ki raani ban gayi, na dari. Fir Edward gaye dhoop ma, kahe dekho hum chamakte hai. Bella ki aankhein chhar ho gai, muh khul ke dabba ho gaya. Boli bade dhaasu lag rahe ho.
Fir Edward aur Bella milne julne lage, mai-baap ko bina bataye.Edward ne kaha mujhe tere papa se milna hai, Bella boli bada khoosat hai buddha, maar dalega. Baapu ji thoda dhamkaaye fir bhej diya gilli-danda khelne, waha Edward ke gharwalon ke saath Bella khel rahein thi ki teen pisaach aa gaye, bole hamein bhi khilao, jara bhukhe rahein to Bell pe kudein laagi. Edward ka dimag ka dahi ho gaya, gariya ke fut lees.
Thoda dur bhaag payein ki, pisaachwa phone milaye aur kahi ki tumhaar mata ji hammar paas hai, Bella ki sitti-pitti gum, pahuch gayi pisasch ke paas, mata ji ko bacchane. Mata ji to mili nahi, Pisaach unko khaane khatir gaad diye daant unki kallai me.
Edward bhi thehre pisaach sochan laage ki Jaan bachau ya ban jaan du pisaach, fir jaan bachane ki firaak me chusan laage khun par jyada mast laga to ek baar pakde ki chhode hi nahi. Jab tak chhode tab tak Bella ki saans ful gayi, le jaan pada hospital. Aur uh pisaach ko to sab gharwaalon ne mil ke kayde se haunka.
Hospital me Bella ke mai-baap ko patti padhai ki Bella seedhiyon se ludhak gayi. Jab Bella chalne llayak theek hui, to unhe Edward le gaye ek party me, wahaan pe Bella ka langotiyaa yaar Jacob tapak pada, okho paise diye the okhe papa ne ye bolan khatir ki Edward se dur raho. Lekin Bella thehri topa, maani nahi.
Fir dono nachne lage aur Edward ne kaha kaat ke pisaach bana du, Bella boli bilkul. Edward kaatne ki nautanki karne laga, fir bola mai to mazaak kar raha tha, abhi ke liye itna kaafi nahi hai? Bella boli haan.
----------------
