Kuch vaqt pehle tum bas meri ek kalpana ban kar reh gayin ti...
Itna vaqt guzar chuka tha ki tumhe vapas pana bas ek khawaab sa lagta tha....
Par tumhara yun achanak ek din takra jana...
Aur is duniya ki bheed mei mujhe fir pehchan lena, accha laga...
Chalo kam se kam yaad to hun mei tumhe....
Vo purana pyar jise tumne us vaqt shayad na samjha tha fir umadne laga tha....
Dil mei ek tufaan sa udne laga tha....
Tum aaj bhi vaisi hi thi jaisi barsoon pehle hua karti thi.n,
Mujhe aaj b us chehre ki vo muskaan yaad hai...
Vo udti julfen aur vo dil bayan karti nazren,kuch nai badla hai...
Fir b kuch kami lagti hai...
Na jaane kyun ek pyas hai is dil ko tumhe paane ki, Tumhara ho jaane ki...
Par tumhe shayad kuch aur hi manzoor hai...
Fir ek baar fir yaad aata hai vo intezaar vo pyar...
Jise dekh mei ruk jata hun aur jaisa hai vo sahi samajh saath chal deta hun....
