Ap ne aaasman ko dekha hai?kitni waseeeh hai yeh jageeeer…nigaah ki rasaaayi wahan tak nahi jahan tak aasmaan hai…aaasman ki wus’at ko kon janay siwae rab k...is ki had kia rab he janay….
Phir aap ne is jageeer k maaaliko ko dekha hai?beshak maaaalik to koe or hai ,chalain thaikaydaar keh lain ..do do thaikaydaar hain is jaageeer k,aik din ko dikhaaaeee deta hai or aik raat ko ata hai apni jageeer ko dekhne.
aik hai sooraj jo tan tanha ata hai aasman par…itni waseeh jageeer par tan tanha … lekan wo itna munawar hota hai k pooori dunya ko poori zameen ko munawar kar deta hai…zaray zaray ko roshni bakhshta hai USKY hukam se,sooraj me wo tapish hai jo ghar me jaltay choolhon ki aag ki nahi…
Doosra chand hai jo isi jageer par raat ko ata hai or wo bhe kuch makhsooos ayaam me…chand akela nahi hota us k y saath lakho karoro taare hotay hain…munawar chaand bhe hai or taaare bhe,lekan chand ka noor subhay k thaikaydaar sooraj k badolat hai…haan khoobsurati dono ki apni jaga lekan yahan aik baat ghor talab hai k tanha sooraj ne chand ko roshni udhaar de rakhi hai.sooraj tanhai hai lekan us me noor ki wo quwat hai k wo raat andhery me chaand ko noor bakhshta hai…yeh mjhe tanhai ka kamal nazar ata hai …
aaap ne bhaaag bhe dekhain hongay,phoolon k bhaag, jahan gulaaab k phool hotay hain…dher saaray..mukhtalif rango k gulaab..dhanak jesay us bhaag me utar aaaayi ho..ab aap tasawar karain k aap sehra main hain,rait k teeelay hain k aapko chaaro taraf se ghairay huwe hain..ap har su chaltay jarhay .lekan aapko na bashar nazar arha na he boota…aap chalay jarhay k achanak aapko aik boota nazar ata hai,aik waseeeh sehra me tan tanha mazbooot boota …or wo boota gulaab ka hai..us bootay par gulab ka aik phoool hai jo pooray sehra ki khooobsurati ko kamal bakhsh raha hai…ap tasawar karte hain k bhaagh k hazaro gulabo se barh kar hai yeh sehra ka gulaab….yeh gulaab tanhaai me hai lekan iski rang wa boo bhaaago me hazaro gulaabo se barh k hai….yeh to hai kuch khayali or tasawaraati misaalain…abhi zara zindagi me jhaankty hain…
main apne walid k hamrah aik chacha k haaan gya to chacha aik shaks ka zikar kar rhy thay ,keh rhy thy us shaks se kal meri baat horhi the or us ne kaha k main ne kal apni satasee-ween(87ween) saalgirah manaaayi hai or aap yaqeen na karain gay k main 20 saal se akela ,tan tanha reh raha hun itney baray ghar me …bachay mere europe me hain or zoja muhtarma ALLAH ko pyaari ho chuki hain…chacha kehne lagay dekha kitna mushkil hai aisay zindagi guzarna ,tanhaai me…Na BV ho,na bachay na koe or bus aik baray ghar me 20 saal se tanhai me rehna.
chacha ne yeh baat khatam ki to mujhe abu k aik ustaaad yaad agye.Kuch din pehle main shaadi ki aik taqreeb me gaya tha,wahan walid sahb ne meri mulaqat aik 78 80 saal k shaks se karaye or btaya k yeh mere ustaad rahain hain,phir baatain chalti rahi or baato baato me wo kehne lagay,”main tanhai ka shikar hogaya hun,meri koe mehfil nahi rahi,jo hum-omer thay wo rehlat farma gaye or ab main hun or meri tanhai” …
Soch ki larri aik dum se tooti or walid sahbaik bazurg ka qissa sunanay lagay jo kaaafi zaeeef hogaye thay or unki binaaaee khatam hogaye the..walid sahb keh rhy thay k us bazurg shaks ko us k beto ne tanhaai k aagy daal diya tha .wo yeh kartay thay k apne baap ko haath se pakar kar chalatay or gaao k daak-khanay ki choti c deewar par bitha detay thay..phir wo zaeef,benaai se mehrum shaks aaankhain jhapakta or akelay kuch khud se bolta rehta or yunhi sham hojati…
Mujhe walid sahb or chacha ki is guftugu se tanhai bht zaaalim lagne lagi,mujhe yeh mehsus ho raha tha jesay tanhaai me insaan mout ki aagosh me ja bethta hai…jesay tanhaai insaaani zindagi ko maflooj kar deti hai…jesay tanhaai saanp hai or insaan ko dasti jaati hai dasti jaati hai…
lekan phir main ne ghor kia…or aasmaan ki jaaageer jiski misaal me pehle de chukka hun oooper or sehra me gulaaab ki misaaal dono par main ne ghor kiya to mujhe tanhaai me zulm nahi anayat nazar aanay lagi…tanhai me mehrumi nahi kamal nazar aanay laga…tanhai dar-asal khud zaalim nahi,tanhai me khayaal tanhai ko zaalim bana deti hai.khayal he tanhai ko baayis-e-halakat bana deta hai…ab khayal me hujum hoga to tanhai takleeef to degi,khayal me shor wa ghul hoga to tanhaai ki khamoshi pagal kar dene wali hogi,khayal rangeen hoga to tanhaai benaai cheenay gee he …khayal paak nahi hoga to tanhaaai azaab hogi…
lekan agar khayal ka zaaawiya durust hoga to tanhaaai rehmat hai…. agar khayal me hujum nahi balkay wo zaaat hogi jo jalwat me bhe hai or khalwat me bhe to tanhai rehmat hai… musalman ka to aqeeda hai k ALLAH har taraf har pal hai to usay zaahiri tanhai me bhe betereeen saathi mil jaata hai….agar khayal me awaaz aati hai “ HUM TO SHEHRAG SE BHE ZIYADA QAREEB HAIN “ to tanhaai saa’dat hai…tanhaai he to wo maqaam hai jahan insaan khud se milta hai USKAY HUKAM se …tanhaaai he to wo maqaaam hai jahan insaan apne khayaal ki paaakeezgi kar sakta hai… tanhaai me insaan apne andheray se milta hai or khud ko munawar karne lagta hai…haan tanhaai k aghaaaz me takleeef bhe hogi lekan sabar or zikar kiya jaae to khayaal paaak or khayal paaak to banda paaak hojaega….agr insaan apne khayal ko kaabu kar le or ALLAH k hukam k tabeh kar le to tanhai wo abr-e-rehmat hai jo aisay barasta hai k insaan ki kamzoriyo ko dho daalta hai,wo yaksoooee milti hai jo hujum me or jalwat me nahi,wo soz milta hai jo raasta banta jata hai or ALLAH tak pohncha deta hai,tanha me agr dil ki dharkanain tez hon to wo khof hai or agr qaaabu kar liya jae to dhak dhak ALLAH ALLAH kar rahi hongi or yehi sharf hai…rehmat ki surat me tanhai bhe paakeeza khiyaal or muqadar waalo ko milti hai..tanhai me ALLAH k hukam se insaan wo gohar dhoondta hai jo k bht insaano k maasayil ka ilaaaj hai…yehi tanhaaai hai jo WALLI banati hai …walli ki tanhaai ALLAH ALLAH hai ..wo tanhaai me sirf is liye aata hai k wo ALLAH ko mukamal paa le…or walli ki tanhaai paaak hai or jiski tanhaai paaak hogayi wo ALLAH k qareeb hogaya..walli tanhaai me ja kar ALLAH ko manata hai or phir waaapis Logo me ja kar logo ko un k sawalo k jawab deta hai… yeh ilm kahan se aata hai?sawalo k jawab kahan se aatay hain?ALLAH k hukam se tanhai bakhshti hai yeh ilm… tanhaai agar yeh kaha jaae k ilm hai to ghalat nahi..bus tanhai me khayal ko aik durust rukh dena parta hai baaqi kaam khud ba-khud hojata hai…tanhaai banday ka beda paar kara deti hai …tanhaaai insaan ko wo nooor bakhsh sakti hai ALLAH k hukam se k sooraj bhe roshni udhaar le…. To kehna yeh maqsood tha k tanhaai zaaalim nahi,hum khud zaalim hojatay hain apne ghalat khiyaalo se…tanhaai to sukun hai …tanhaai to tishna dilo ko sairaab karne wala chashma hai lekan shart khiyaal ki pakeezgi hai,zikar-e-ilahi hai..shart main ko maarna hai or muhabbat ko dil me basana hai sab nafratain nikaaal kar…
ALLAH hum sab ko jalwat or khalwat me apne raaastay or apni yaad me rakhay…ALLAH hamaari tanhaai ko pakeeza banae,hamari mazbooti banae or tanhaai me apne khayal ko ALLAH ALLAH karne ki taufeeq ata farmae.ameen
