Kai mod the us raah mein, kis mod se tum mude ho?

Kuch raste gaye the auron ke dil ko

Kiske dil se ab tum jude ho?

 

Hazaar saawan aake guzre, kai baaki hain wo bhi aayenge

Tumhein na dekhenge saath mere

Bolo kya phir wo baras paayenge?

 

Meri zeest se nikal ke tumne, dhoondh liya doosra aashiyaana

Jo nibhaaye the wo the saare vaade

Chhoote vaadon ka reh gaya fasaana

 

Aise hi kisi mod pe, kya tum mujhko phir miloge?

Aaj ittefaqan mil jo gaye ho

Kya tasleem bhi nahin karoge? 

 

 

Sign In to know Author