Raahein

Dil ki dagar pe kitne hi rahi miley yun chalte chalte..

kuch apni meethi muskurahtein aur yaadon ke nishaan chod gye..
kuch madmast apni akad me mera guliastaan rond gye..

Fir bhi aisa alaam kabhi na tha..
jab main taakta raha raahon ko palkein bichaaye..
par sannata koi todta na tha..

main kehta raha khud se hi apna kissa..
koi meri ikbaargi bhi sunta na tha..

sach hai.. khud hi aaye the.. aur khud hi jaaenge..

jo miley kuch sathi to hans ke kaat liya safar..
jo naa bhi miley to hawaayein bhi kaafi kuch keh jaati hai sannatein me..