Puraani Yaadein

Raat aaj kuchh zyada andheri si hai,
Behti hawaao me ek khaamoshi si hai,
Kuchh khaas nahi, bas lamho ki jang hai
Dil ko bharta hua, woh mitta sa rang hai

Puraani yaado ka kuchh ajab sa saath hain,
Zubaan na keh sake, par hotho par wo baath hai,
Ik meethi si chubhan aur muskuraahatein le jaaye,
Karwatein badalta dil, shayad aaj bhi na sone paaye

Lamhe kuchh marr gaye, kuchh maar dale, kayi logo ne maare hain,
Kuchh chamakte hain raat bhar, kuchh bujhte sitaare hain
Kuchh hain aaj bhi saath, kuchh peechhe reh gaye,
Kuchh dil me dabe hain aaj bhi, kuchh aankho se beh gaye

Dil ke is shor me, ek dard, ek khushi si hai
Ik muskaan hai hotho par, aankho me kuchh nami si hai,
Beete lamho ke saath, waqt theher gaya
Dil ko usi me chhod, aage main badh gaya

https://soundcloud.com/ashharreza/puraani-yaadein