Paheli hai ye

tum kaun ho, tum kya ho, tum kyun ho..
an-ginat sawal mere mann mein hiloriyan si marte hai..
aayi kyun tum, jaogi kyun..
tumhari aankhon se pooch ke unhe niharte hai...

ek baat janta hun main, kuch nahi par ye toh maanta hun main..
jabse aayi ho, dil mein chayi ho, yaad toh tumhari jaise meri parchayi ho..
geet gata hai mann, gun-gunata hai mann, mahak jata hai mann..
jaise varsha ritu, jaise chahakti koyal, jaise madmast purvayi ho...

do pal milne mein suroor aata hai jo..
lakh koshishe kar loon nahi jata hai woh..
yaad aati hai, khwab aate hai, neend bhi dhul si gayi hai..
unsuljhi suljhi si paheli hai ye, lekin zindagi meri khul si gayi hai..