Amavasya Ka chaand (New Moon)
Ab jo Bella naam ki laundiya rahein, vo hu gayi atthrah baras ki. Okher janmdin pe Edward pagla gaye, kahin laage ki hum tumhaar happy birthday itne dhoom-dhaam se manayenge ki tohaar aakhe baahar aa jayengi. Bella rahein thodi chupechaap type ki laundiya, bahut mana kari lekin Edward bhi rhe shaukiya to na mane.
Apni sasuraal pahuchi janmdin manaane. Vo thi ekdum hoor ki pari to apni ungli kata li tohfe ki panni me. Jasperwa ekdum khoon ka pyasa launda tha, kood gaya Bella ki taraf. Edward ne na aav dekha na taav, Bella ko fenk din jaise vo hoye koi rubber ki gudiya. Aur khoon behene laga okhe, fir okhe sasur jo doc sahib rahe, vo aake malham-patti kare.
Ekhe baad, Edward Bella ko jhoothi patti padha dete hai use bachaane ke vaaste ki vo use pyaar-vaar nahi karte, taempaas kar rahe the. Bella ka Jag soona soona ho jaata hai, vahi usko maata chadh jaati hai aur vahi jal bin machli bhaanti tadpan shtart kar deti hai.
Edward apna ek London taap gaadi me baith ke saparivaar ghumne nikal lete hai. Bella ko dheeme-dheeme pata lagta hai ki farratedar kaam karan se okhe bheja ma Edward bolan laagat hai. Idhar okha langotiya yaar, mauke pe chauka maar ke Bella se apni dosti ki peenge badhaane lagte hai. Bella bhi okher kuttepane ka khoob fayda uthati hai aur apne puraan premi ke liye garmi bhujaati hai.
Ekhe baad Bella ko pata chalat hai ki Jacob aur uska parivaar bhediya types hai. Tabhi James, jise Edward ne majaa ma maar diya tha, ke dost Victoria aur Laurent aake Bella ki lene lagte hai. Use bachaane ka jimma Jacob apne sir utha let hai.
Bella ek din sathhiyaan ke mauj me pahaadi ke upar se kood jaati hai, kaahe ki unhone Jacob ke dosto ko ye karta dekha tha. Tair paayi nahi jaraa bhi, Edward ko bulaane lagi. Udhar Edward ko okhi muh-boli behaniya Alice bol deti hai ki Bella ka to kaam tamaam ho gaya. Edward ki turant haalat patli ho jaati hai. Vo sochte hai ki jab hammari 'Jaan' chali gayi to hum jee ke kya karenge. Vo nikal padte hai Volterra ke liye, jahaan pe bade bhokaali pisaach rehte the jo jyada nautanki karne vale pisaacho ko maar giraate the.
Alice ko pata chalta hai ki Bella zinda hai to vo okho leke Volterra nikalti hai, Jacob aake nautanki pelan laagat hai ki, hume ab na chhod ke jao yu saajna. Bella bhi nautanki jhaadti hai ki Jaane do na, Jaane do na. Fir Jacob, bhediya ban ke jungle me daud lagaane nikal jaate hai. Volturi jo Volterra ke bhokaali log the vo Bella se kahin laage ki ya to pisaach ban ja ya to mar ja.
Edward vahaa pe haan-hoon kar ke vaapas ghar aa jaate hai. Fir bella ko bolte hai ki mai to tere ko sacchi pyaar karta hu, utte tame to tere ko khaali bacchane ke liye maiine aiisa kiya. Bella khush ho jaati hai aur pisaach banne ki rat lagane lagti hai, khunnas kha ke Edward sasuraal me jaa ke boting karate hai ki pisaach banaye ki na. Janaatiyon ko to koi puchta hi nahi. Saiyaan mil gaye to maai-baap jaaye bhaad me. Jacob bhi peeche kahaa rehne waale the, aa jaate hai Edward ko dhamkaane ki, agar Bella ko kaate to vo apni puri gang le ke aayenge aur pisaachon ki watt lagaa denge.
~~~
