Neend Se Jaga Mujhe...

Khamoshi se dheemi baat bata mujhe...
Uss behti paani ka rang dikha mujhe...
Bina diye ke lau jalti hai saanso me,
Iss khuli aankho ki neend se jaga mujhe...

...

Kal ke tasveer ki fikar hai iss dil ko,
Bade tajurbe se bani apni yeh duniya dikha mujhe...
Maana main bacha hoon iss zamane ke aage,
Par pehle inn khuli aankho ki neend se toh jaga mujhe...

...

Aye zindagi teri umar hi kya hai,
Filhaal manzil ki raah pe chalna seekha mujhe...
Baat jami toh baat karenge aage jeene ki,
Ek baar inn khuli aankho ki neend se jaga na mujhe...

...

Woh do panne ki kahani padha mujhe...
Uss chaaw se zara waakif kara mujhe...
Mehsoos nahi sukoon inn saanso ko,
Ki ab toh ek dafa iss neend se jaga mujhe...