Apni zindagi bas yuhi jeete huye...
Chalta hoon apni khumaari me...
Naye alfaaz dhoondhta hoon apni shayari me...

Har shaqs me dikhta hai koi apna sa...
Toh koi apna ban jata hai paraya sa...
Aur ek umeed ka kissa jod leta hoon apni yaari me...

Har mausam me naye phool khilte hain, aur lagta hai kuch naya sa...
Phir kuch haseen rang liye woh murjhaate hain, dil me reh jata hai kuch samaaya sa...
Aur main ek kissa jod leta hoon apni yaadon ki kyaari me...

Unn yaadon ko samet-te huye, unn khwaabon ko jeete huye...
Main toh chalta hoon apni khumaari me...
Bas naye alfaaz dhoondhta hoon...apni shayari me...

Sign In to know Author