Maddumm computer pe roj baithti hai. Aaj kahi to gayi hai. To maine socha thodasa mere bare me ye babu pe likhu.

Ye babu kya hota hai? Koi acchasa babu ho to mujhe bhi batao. Meri ladki ke liye. Uski shaadi jaldi karwani hai.

Hamari shaadi pandhra saal pehle hui thi. Aadmi rickshaw chalata hai. Pehle woh ghar kharche ke liye paaise deta tha. Abhi daaru pike bahut late ghar aata hai.

Mujhe bhi shak karta hai. Mai jahan bhi jau,woh mujhe phone karta hai. Waisi main abhibhi sundar hoon. Saree pehenke bahar nikloo to, katrina lagti hoon. Chawl ke aas paas jo mawali log baithte hai, weh log mujhe ghoor ghoor kar dekhte hai. Tabhi thoda sa dar lagta hai.

Mujhe pacchh-chhee gharo me kaam karni padti hai. Pet ka sawaal hai. Maddumm log kanjoos hai. Mujhse jyaada kaam karwane ki koshish karte hai.

Lekin mai bhi waisi ..kyya bolte usko..stupid nai hoon.
Madumms ko mai theek pehchaan sakti hoon.

Hamesha tv par serial dekh kar din kaat lete hai, ye ladiez. Bechare unke pati! kaam kar, kar ke thak jaate honge.

Aur serial pe jo dikhate, wo kuch sach nai lagta.
Lipistick aur itna saara makeup daalke koi ladies raat ko sote hai, kya? Waise maddummlog pijja, boorger wagere khake mote ho jaate. Din bhar late te hai. Phone par rehte. Phir gym jaate hai.

Usse to accha kabhi jhaadu ko haat me liye kuch safai kare. Wait loss bhi hoga, beeeutifulll bhi dikhenge.
Sahi ki nahin?

Mujhe bhi bahut bhookh lagti hai. Isliye tumbaaku khakar pet bharti. Issi wajese Maddumm log mujhe daat te hai.

Ye wali maddumm theek hai.
Jab bhi dekho computer par hi baithti.
Wo mujhe ingruji ..woi..angreji sikhana chahti hai, par ab mujhse nai hoga.

Bas abhi aati hi hogi. Mujhe likhte hue dekh liya to meri vaat lagegi.
Mujhe bhi please like karo na.

Kaam wali bai.
Jyotsna.




Sign In to know Author