waqt gujra, raaste badle,

vo sari manjilen bhi simat gayi,

par mere jehan me kahin baithi,

teri hansi ki awaaj vaha aaj bhi hai..

vo gaon ki sooni pagdandi,

yaad karti hai tujhe,

vo kinare laga sookha,

neem ka pedh vaha aaj bhi hai..

vo chidhte saaz,vo raag malhar,

yaad karte hai tujhe,

kone me pada tujhe yaad karta,

vo taanpoora vaha aaj bhi hai..

ek roj tere balon se gire gulab ko,

utha liya tha chupke se,

meri diary me teri chaap chodh chuka,

vo gulab vaha aaj bhi hai..

tujhse pahle tere aane ki khabar,

de diya karti thi jo,

un paayalon ki awaaj ,

mere kano me vaha aaj bhi hai..

Sign In to know Author