Vo jo pairon me zameen hoti hai
Vo kanton me bhi chup soti hai
Kuch kehti nahin, bas roti hai
Apne ansuon se, armaano ko dhoti hai
Vo roj roj marti hai
vo roj roj khoti hai
Kya galti hai uski
bas yahi sochti hai
Kya pap hai uska is zameen pe aana ?
Kyon reh reh kar use, bas zakham hai pana?
Kya kissa judha hai uska, bas gammo ke sath?
Hote hain maa baap,par fir bhi vo kyon hai anath?
Use na din milta,na uski raat hoti hai,
Chup chap vo, har pal me bas ruswa hoti hai,
Ye kaisa janam khuda ne uska banaya?
Diya the use Devi ka roop,
fir insaan ne use kalankit kyon banaya?
Kyon ladki hai paap?
Kyon vo har dharam me khud ko khoti hai?
Ye nanhe kadmo me usi tarah se sath chali,
Jaise chale the ghar ke Sha -e –Nawab (Male),
Ye nadi hai pyar bhari,isne diya sabko paani udhar,
Ye chanchal hai,chulbuli hai, masoom hai itni,
Kyon karte hain log, massumiyat pe atyachaar,
Kabhi to mann me jhanko aur dekho,
Kya diya tumne kabhi ise Jeewan udhar?
