‘Kuch Tumhari, Kuch Hamari’
Thodi si shararatien, dhero Badmashiyaan
Kuch tumhari, kuch hamari vo Nadaniyaan
Khatte meethe lamhe, un lamho ki Mastiyaan
Kuch tumhari, kuch hamari vo Shetaniyaan
Jhoote moothe wade, un wadon ki Beimaniyaan
Kuch tumhari, kuch hamari vo Gustakhiyaan
Dher sare jhagde or vo Athkheliyaan
Kuch tumhari, kuch hamari vo Ladaiyaan
Thithurti hui thand ki shamein, un palo ki Nazdikiyaan
Kuch tumhari, kuch hamari vo Razaiyaan
Bimari ki kuch raatien, un raaton ki Khamoshiyaan
Kuch tumhari, kuch hamari vo Bechainiyaan
Beete huye sunhere pal, un palo ki Parchaiyaan
Kuch tumhari kuch hamari vo Nishaniyaan
Guzre huye mausam aur unki Tanhiyaan
Kuch tumhari kuch hamare waqt ki Angadiyaan
Nazuk se dhaage, resham si vo Kalaiyaan
Kuch tumhari, kuch hamari vo Raakhiyaan
Suhana Bachpan, beshkimti Ghadiyaan
Kuch tumhari, kuch hamari Yaadon ki vo galiyaan
Abhi
