12th Standard ki baat hai. Matlab 5 saal puraani baat hai ye. Paper Presentation competition k liye dusre college se kuch students aaye the hamare college me. Mai apne class me kaafi tej bacchon me se ek thi. Kaafi accha command aur confidence tha mujhme. Toh teachers ne mera naam daal diya tha list me.
Topic kya tha yaad nahi theek se. Par uss din ki bas ek hi baat clearly yaad hai.
Mera shayad second last number tha presentation dene ka. Aur mujhse pehle kisi dusre college ke ek ladke ka number tha. Naam tha "Shahid". Jab list me naam padha tha maine toh muskuraate hue yehi socha tha, ki kya sahi me wo ladka "Shahid Kapoor" jaisa lagta hoga ? :P
Bas competition shuru ho gaya thode hi der me. Saare bacche kaafi acche se bol rahe the aur cross questions ka answer bhi kar rahe the. Kuch logon se toh judges kaafi jyada impress hue the. Ek k baad ek presentation dete gaye. Aur ab baari thi "Shahid" ki. Mera number next tha. Tension k maare haalat kharab ho rahi thi. Pata nahi kyun par wo hamesha waali confidence nahi aa rahi thi. Phir se ek baar slides check kiya maine aur ab upar dekhne lagi ki aakhir wo ladka dikhta kaisa hai,ye jaan ne k liye.
Jab dekha,toh bas dekhti reh gayi. "Shahid Kapoor" toh nahi par "Hritik-roshan" k jitna handsome tha wo. Ab aur practice ho nahi paa raha tha mujhse. Arrey nazar uss se hate tab na practice karun. Friends se bas yehi bol rahi thi ki "koi toh rok lo"..arrey "koi toh rok lo yaar".
Dekhte hi dekhte usska bhi presentation khatam ho gaya aur meri baari aa gayi. Uss "shahid" ka asar kuch aisa tha ki mai sab kuch bhul chuki thi. Stage pe jaa k apna naam batane me bhi mai struggle kar rahi thi. Bahat hi embarrassing moment tha wo. Hehe :D . Par kya farak padta hai yaar,Pagalpanthi bhi zaroori hai,hai na !
Wo din na mai aaj tak bhuli hun aur na hi mere frnds. Wo log aaj tak mujhe chidhate hain ye bol k ki "koi toh rok lo" ;) :D
