Khel Rhe Hai Khoon Ki Holi..

Khel rhe hai khoon ki holi,rang to ak bahana hai,
aaj k badle yug ka har insaan bda syana hai.
dharti pe jab janam liya to kuch kar k hi jana hai,
jitne yha pe bhatke hue hai unko rah pe lana hai.
bin khoye kuchh pane ki umeed na kar es duniya se,
es yug ka dastoor yahi hai kuchh khona kuchh pana hai.
Lakh andhera chhaya lekin, hmne ye socha hai yaro,
Nafrat ki es duniya me pyar ka deepak jalana hai.
Khusiya sari kaid hai lekin tu etna mayush na ho,
chhaye hai jo gam ke badal kal unko chhat jana hai.