Tu dekh Naam apna humne javidaa’n kar diya
k hosla jab se hum ne aasmaa’n kar diya
manzil qareeb hai bus kuch he musafat or
raah ko rahbar ne jab kehkishaa’n kar diya
ab khof kiya rahega jabar k rakhwalo se
jab dil ne khudi ko zindaa’n kar diya
rang-e-dhanak say banegi ab jeet ki tasweer
junu-e-sarfiroshi ko hum ne jawaa’n kar diya
lalkar hogi aisi apni khamoshi me bhe izat-ma’aab!
chehra munsif ka jo hum ne ayaa’n kar diya
waqt bhe ab shahid hoga apne khoon-e-junun ka
daar ne jo hamare waastay khudko mezbaa’n kr diya
ab toofan-e-ghulaami khud he tham jaega dekhna
is toofan k saamne khud ko jo toofaa’n kar diya
chamaktay ashkho ki lariyaan liye khary thy bht
bus! inhi ashko se humne jashn ka chiragaa’n kr diya........
