Kursi par baithe baithe saara din nikal jaata hai aajkal.....
Ek waqt tha jab har pal bus ek hi khyal raha karta tha,
Kab uss deewar pe tangi silver shade ki ghadi me 6
baje ka ghanta baje,
aur kab main ghar pahuch paaun....
ek baar fir unn, kam lagte saath bitayein, hazaaro dino ki
tarah uss se mil paunn....
Thodi thodi der me ghadi dekha karta tha tab,
Thoda iss kursi ko, thoda iss kachue ki chaal chalte samay
ko kosa karta tha main,
dono hi naamurad hain, ek pal ka chain bhi nahi dete.......
Kiwaad pe khada wo guard,
shaq ki najron se dekhte rehta tha unn dinno mujhe,
maano usse maalum ho mere dil me kiska khayal kaundh raha hai....
Uss din 6 bajne me sadiyan lag gyi thi jaise,
par jaise hi uss pendulum se 'tannn' ki awaaj aayi,
to jaise mere sharir me ek bijli si daud gyi ho....
jhat se samaan uthaya tha maine aur nikalne laga tha
un kaatati deewaron ke shamiyane se...
guard bhi na dikha uss din to, na hi uska shaq bhara chehra......
Tarangon ke ghodon par daudata hua,
ishq ki hawaaon ke thapede chehre pe sehta hua,
seedha jaa pahuch tha main ghar apne........
darawaja khola socha usse meetha sa surprise dunga....
dekha to wo nahi thi....
saara ghar chaana to ek chithi mili,
likha tha
" amrika se saheli aayi hai meri...usse milne jaa rahi hu"...
hazaaro dino ki aandhi me shayad, wo pyaar ki lalak kahin kho gyi thi usme,
tabhi deedar karne chali gyi apni saheli ka,
ek pal intezaar hi kar leti mera....
Saari tarangein, armaano ki tutati imaarat me dab gyi thi uss din..
Tanha, udas baith gya fir ek aur kursi pe,
dekha to saamne deewar pe wo ghadi fir sadiyon tak chalne ko betaab lag rahi thi...
Iss baar main betaab na tha...
Wo akhri din tha jab uss kursi par baithe din nahi katata tha...
ajkal to saara din nikal jata hai baithe baithe....
