Gam chhupaate rahe muskuraate rahe

Gam chhupaate rahe muskuraate rahe
mahafilon mahafilon gun_gunaate rahe

aaNsuon se likhii dil kii tahariir ko
phuul kii pattiyon se sajaate rahe

Gazalain kumlaa ga_iin nazmain murjhaa ga_ii.n
giit sa.Nvalaa gaye saaz chup ho gaye

phir bhii ahal-e-chaman kitane Khush_zauq the
naGmaa-e-fasl-e-gul gun_gunaate rahe

vaqt kaa har qadam bhii bhagtaa rahaa
zaqt le paaoun bhii Dag_mataate rahe