Ek nazm likh raha tha jis yaar ke ishq mein
badi shiddat se,
ek arse mein jab puri hui..
to wo yaar hi chal diya sheher chod ke.
Ek tasweer bun raha tha jis pyaar ke ishq mein
badi neeyat se,
ek arse mein jab puri hui..
to wo pyaar chal diya muh mod ke..
jaate hue wo, wo mere bagiche se kuch jaldi me gujar gye..
wo kali jo kal hi thoda khilne lagi thi usse rondte hue,
shayad unka dhyan naa gya hoga
dur uss kone me arson se padi uss kalam pe jab jang lag aayi thi,
rangon ki slate pe kuch mitti si jab chadh aayi thi,
to wo yaar aake bola,
ab kuch fursat si hai..
dikhao wo rangadaari tumhari,
dikhao wo nanhi fulon ki kyaari tumhari..
maine kaha thoda waqt do abhi adhuri hai thodi..
aur ek baar fir ussi shiddat se
ek nazm likhne laga main..
ek baar fir ussi neeyat se
ek phool chunane laga main..
