Eclipse (Kanpuriya Ishtyle)

Eclipse (Grahan)



Seattle namak ek gaon tha bella ke maayke ke paas, vahaa pe Victoria jo James ki joru laagat thi wo ek naya punter pakad ke okho pisaach bana deti hai.



Udhar Bella pisaach bane ya na bane ehpe Edward mathapacchi karan me laage rehte hai. Fir o nautanki pelte hai ki jab tak shaadi na kariyo tab tak pisaach banana ka koi jugaad nahi. Bella kehti hai abhi to mai jawaan hu tum chikai kar rahe ho kaa be?



Edward ke sasur ji Victoria ke punter ke gaayab hone ki jaanch kar rahe hote hai ki Edward usme bhi apni taang adate hai. Udhar Jacob baar baar Bella ko panjiri khilaane apne ghar bulaate hai, vahaa pe Jacob jabri chumaa chaati karne lagte hai, Bella hapak ke ek ghoosa dharti hai lekin vo thehri fool ki kali, unka haath toot jaata hai aur Edward Jacob ke saamne apna bhokaal tight karne me lag jaate hai.



Fir Bella Jacob ko dhamkaati hai ki meri sakool pass karne ki party me dikh gaye to jhapadiya diye jaoge. Jacob turant kutaapana dikhaate hue maafi mangne lagte hai. Alice jo Bella ki nanad thi okho maata chadh jaati hai ki Victoria ke punterlog Forkswaalo ko aukaat dikhaane aa rahe hai. Jaise hi labhed ka mahaul taiyaar hota hai turant pisaach aur bhediye ek dusre ko chaudharat samjhaane lagat hai.



Phainal sowdown se pahil Edward aur Jacob raat ko ghul mil jaat hai, lekin fir subah hot hi Jacob ko pata chalet hai ki Bella to shaadi kar ke bhaagne ka plaan banayi hai. Jacob ka maajhi satakli aur vo pure filmy hoke Bella ko dhamkaye ki jao hum jaa rahe hai fir, tum khelo saiyan ki god me. Bella thehri nautanki baaj turant garmaane lagi aur Jacob se kehti hai ki chumma-chumma de de chumma.



Edward to bante hi the chirri, itne me hi khush ho jaat hai ki Bella okho jyada pyar karat hai. Pachda khatam hone ke baad pata chalet hai ki Jacob ki muhboli bahan Leah badi aurangjeb ban rahi thi to Jacob pel diye gaye.



Ladai khatam hote hi patli gali se Bhaukal vale Volturi ke punterlog pisaach aa jaate hai. Voh kehte hai ki saalon tumhe ek baar samjhaaye nahi samajh aat ki bella ko pisaach bana do, turant Bella chillati hai, Abey chirrey, tareekh pe tareekh kar kar ke tarrekh set ho gayi.



Fir bella kudte faandte Jacob ke dil me khanjar bhokti hai ki vo use pyar to karti hai par shaadi to Edward se hi karenge. Jacob bhi maan jaate hai kehte hai theek hai majnugiri chhhodne ki koshish karenge.



Bella aur Edward jungle me milte hai jahaan Bella unhe lamba vaala lecture sunati hai ki vo ek akeli dukhiyarin thi ab Edward se mil gayi to vo fooli nahi samaati. Itna makhan lagne ke baad Edward kehte hai chal tub hi kya yaad karegi, bana dunga tujhe pisaach.



Fir taya karte hai ki Papa daroga ko bhi bata de ki o sasur banne waale hai. Aakhir kaar,



Apna kaam banta, bhaad me jaaye junta(Janaati)