Boondon Si Wo Saari Yaadein

Boondon si wo saari yaadein
Aa jaati hain boondon ke sang
Bhari hui hai jaise kai baatein
Kehne ko par kuch bhi nahin
Geeli mitti ki khushboo ki
Ada pehchaani si lagti hai
Jaisi har roz uski ada
Dil mein ghar kar jaati hai
Baadalon pe jo uska naam
Likh ke maine chhoda tha
Ye wahi baadal to hain
Jo baras rahe hain yaadon ko lekar
Koi aandhi chali ho jaise
Har lamha thanda sa hai
Baahar makaano pe phaili
Dhoop bhi ab khaamosh si hai
Gharon mein dekha sabke to
Saare chehre khushnuma hain
Mere apne ghar mein bhi
Bheegi khushiyan padi hui hain
Ye tum hi ho jo barsi ho
Leke yaadein hazaar lamhon ki
Aaj par iklauta sirf main hi nahin
Sabhi ke ghar tumne khushiyan bheji hain