Akhiri saans...

Woh akhiri saans thi jispe tera naam le liya..
Aur le kya liya, woh akhiri nahi rahi..
Kehne ko toh uski pehchaan kho gayi,
Asal me magar woh ek daastan ban gayi..
Jise shoonya hona tha,
Woh anant ho gayi..
Jise dhool ka katra bhi nahi hona tha,
Puri akashganga ho gayi..
Jise ek boond me simat jana tha,
Pura saagar ban gayi..
Jise ek shabd bhi nahi hona tha,
Pure jeevan ka saar ho gayi..
Joh chand palon ki baat thi,
Saal tamaam ho gayi..
Jise kuchh bhi nahi hona tha,
Pura sansaar ho gayi..
Khatm hote jeevan ki aakhiri saans,
Pure jeevan ka aadhar ho gayi..