Kisi ko mukammal jahan nahi milta,
Kisi ko zameen to kisi ko aasman nahi milta.
In do panktiyon ne kehdi meri dil ki dastan,
Aankhon mein abhi bhi hai ek adhoora unsuna armaan.
Thi chhoti jab, gungunati thi ki kuch alag karne hai,
Khwaab tha mera ki bade hoke gayak banna hai.
School se akar, ghanto tak gaati rehti thi gaane,
Daant padti thi ki samay barbaad kiya jab aate nahi the kuch sawaal banane.
Roti thi, maayus hoti thi
aur kabhi to gusse se rooth jati thi
Phir ma apni godi mein lita kar samjhaya karti thi, ki
"Tumhare paas hunar hai aur lagan bhi.
Par abhi samay hai padhai ka.
Kala ko nikharne k liye poori zindagi hai.
Padhogi likhogi to banogi doctor,
Warna nikal jayenge aage tumhare sabhi dost tumhe pichhad kar."
Maan kar kehna ma ka mai apni padhai mein jut jati,
Yaad ata tha kabhi to phir apna gaana gungunati.
Badi hui, bangayi doctor
khush the sab,
par ek baat reh jaati thi mann mein mere khatak kar.
Poocha ma se maine, ki ab to sikhlun main gaana.
Boli ma ki gaati to ho tum bahut acha,
Par abhi samay nahi hain iske liye,
Karna hai byah tumhara dekh ke ladka acha.
Maan li phir se ma ki baat,
Ki seekhungi gaana shaadi ke baad.
Hogayi shaadi ko ab 40 saal,
jud gaye the humse aur logon ke armaan.
khogaya phir se mere dil ka ye khwaab
Reh gayi zindagi mein naukri bacche aur janab,
