Abhi bhatka hun...
Abhi aur bhataknay doa na...
Khudi k khokhlay gardaab ko chhatnay doa na...
Zara kuch thokrein kha lun...
Ana ko thais pohancha lun...
Apni khudsaakhta iss zeest ki bhuliyyon mein...
Apni pehchaan phir Dryaaft to krnay doa na...
Khud pe tanqeed ka toofaan barmala jhailun...
Apnay alfaaz ki luknat ko parakhnay doa na...
Apni mayoosion se thak k choor ho jaun...
Apni khushfehmiyon sa chikna choor ho jaun...
Mujhe farzi koi umeed asra mat doa...
Khul k ik baar phir se gir k sanbhalnay do na..
Mein phir se apni haqeeqat ki ab tameer krun...
Naye sapnon nayi tabeer ki tadbeer krun...
Apnay ajaam se aghaaz ki juhtein dhoondun...
Nayi tehreek k mahaaz per datnay doa na...
Yun hi mein khud ko pa lun ga...
Khudi ko khud mein dhalun ga...
Meri awargi shayed mujhe mujh tak rasaai de...
Koi rasta bna lun ga...
Abhi awaaz mat dena...
Koi basta nhi dena...
Mein khud samaan kr lun ga...
Uzr yeh jaan kr lun...
Khudi khud agahi ko khud pe yun asaan kr lun ga...
Magr bas tum nhi kehna...
Bhalay dhal jaun mujhe khud se yun talnay doa na...
Chal para hun khud se milnay mujhe chalnay doa na...
Abhi bhatka hun..
Abhi kuch der bhataknay doa na
