Us raat ka rang utna gehra na tha..
Shayad vo chehra Kalikh Me sana na tha,
Aakhir vo kaun tha,Jo us ardh-kali raat me saya ban mujhe khoj raha tha,
Mere dil ko baar baar dehla raha tha,
Aakhir vo kaun tha?
Sehma-Sehma khada tha mein ek ped ke neeche,
Saason me ek ufaan tha,Ek azeeb sa khauf pal raha tha dil mein,
Aakhir vo kaun tha,Jo raat ke us sannate ko baar baar utezit kar raha tha,
Mere mathe ke pasine ko sokh raha tha,
Aakhir vo kaun tha?
Raat aur gehri ho chali thi,Sannata shor sa lagne laga tha,
Shayad vo saya ab dur nikal gaya tha,
Dhadkan shaant hone lagi thi,
Tabhi agle hi pal vo saya mere saamne tha,
Gaur kiya to paya vo saya mera hi tha..
Nazron ko abi b vishwas na tha aur dil mein bas yahi sawaal...
Aakhir vo kaun tha?
