Aaj Na Jaane...

Aaj na jaane kya baat hui
Khaamoshi ne ghere rakha dil ko mere
Wo pari si baithi rahi apne aashiyane mein
Main tadapta raha uski ek pukaar ko
Ummeedon ki chaadar bichha di thi maine
Shaayad wahi meri galti thi
Maili ho gayi wo chaadar phir
Intezaar tha jise uski pukaar ka
Par wo kyun pukaaregi mujhe?
Kya maraasim hai mera usse?
Kaise maine ummeed rakh li?
Apni tamannao ko aaine ke saamne
Khada kar diya
Aur dekhta hoon kya
Tamannaon ka wo rona phoot phoot ke
Aur uska un tamannao ko
Kaanch ke saath tod dena
Dard se bhar deta hai iss dil ko aaj bhi
Par kyun ro raha hoon main?
Sawaal phir wahi uthta hai
Kya maraasim hai mera usse?