Aaj aashiqi ka har taraana bekaar lagta hai,
Teri ek jhalak dekhakar yeh saara zamaana bekaar lagta hai...
Kuchh maksad hua karte the iss zindagi ke bhi kabhi,
Ab tere siva jeene ka har bahaana bekaar lagta hai...
Tujhe dekhne ki khwaahish me aankhein band nahi hoti,
Teri gali ke siva kahin aur aana jaana bekaar lagta hai...
Yun toh khuda ne duniya ko badi niyaamaton se nawaaza hai,
Tere aage magar, kudrat ka har nazraana bekaar lagta hai...
Teri ek muskuraahat se jannatein haasil ho jaati hain,
Ki ab khuda ke bhi sajde me sar jhukaana bekaar lagta hai...
Humne toh nazarein milte hi hosh kho diye kuchh yun,
Ki ab toh iss khumaar ke aage har maykhaana bekaar lagta hai...
Aur iss ishq ki haraarat me itna jal rahe hain hum,
Ki khuda ki kasam duniya ka har parwana bekaar lagta hai...
Teri ek jhalak dekhkar yeh saara zamaana bekaar lagta hai,
Ki aaj toh aashiqi ka har taraana bekaar lagta hai...
