Aadat ho jaati hai, fir acchi lagne lagti hai
fir aadat fitrat ban jaati hai
akelepan ki awaarapan ki
dosti rishta ban jaati hai, fir mohabbat lagne lagti hai
fir kissa bann reh jaati hai
deewanepan ki apnepan ki
Aadat ho jaati hai, fir acchi lagne lagti hai
fir aadat fitrat ban jaati hai
akelepan ki awaarapan ki
bhook kahin kho jaati hai, maggi khana lagne lagti hai
fir roz ka dinner bann jaati hai
ghar ke khane ki, khud se banane ki
Aadat ho jaati hai............
pyaas baaki hi reh jaati hai, wine lassi lagne lagti hai
fir roz raat ka bournvita bann jaati hai
apne bachpan ki, sone se pehle pine ki
Aadat ho jaati hai...........
neend ghanton se gini jaati hai, chaddar kambal lagti hai
aur mobile alarm subah ke bhajan jaisi
ghar ke naram bistar ki, office ki ghadi se uthne ki
Aadat ho jaati hai...........
Baatein sms ban jaati hai, smiley :-) ke symbols dil ki abhivyakti hai
fir mobile phone hi zubaan bann jaati hai
bolte likhte reh ke bhi baat na karne ki,
Aadat ho jaati hai...........
Waqt ke pal sadak ban jaati hai, bas time pass karne ki
kissi tarah chalte guzaarne ki
na keemat apne ki nahi dusre ke waqt ke
Aadat ho jaati hai...........
Parichay courtsey hai, bolchaal zaroorat hai networking ki
kaam mein laane ki,
na janne ki, friendlist badhane ki
Aadat ho jaati hai...........
shaamein plans bann jaati hai, plans hona status ban jati hai
fursat khatam kar jati hai
plan busy hone ki, doston ko na kehne ki
Aadat ho jaati hai...........
gharwalon se baat karne ki, dawai ki dose ban jati hai
10 min subah 15 shaam ki
fix ho jaati hai, seconds gin ke baat karne ki
Aadat ho jaati hai...........
Aadat ho jaati hai, fir acchi lagne lagti hai
fir aadat fitrat ban jaati hai
akelepan ki awaarapan ki!!!!
