Kyun nahi chali jati mere khayalon se door wo,
Kyun use bhula nahi pata hoon main,
Jab bhi bahut khushi mehsoos karne lagta hoon,
Use yaad karke rone lagta hoon main....
Roz mobile utha kar, uska number type karta hoon,
Par wo call button nahi daba pata hoon main,
Har roz kisi kone me ya chaddar k andar,
Apne har ashk ko khali kar aata hoon main,
Koi meri bhigi palkon ko dekh na sake,
Isiliye chup-chap aake so jata hoon main,
Wo saath thi to sab kuch aasan sa lagta tha,
Ab to apne aap ko bhi nahi samajh pata hoon main,
Uske diya har dard ko chupane ke liye,
Har roz hi jhoota muskurata hoon main,
Har khushi har gum me uski aadat si ho gayi hai,
Uske kiye wade nahi bhula pata hoon main,
Kaash wo sun pati meri siskiyon ko kabhi,
To shayad jaan pati kitna chahta hoon main,
Tu mat ro use yaad karke, wo beparwah sa hai,
Roz apne hi dil ko samjhata hoon main,
Khata uski thi, ye mann nahi manta,
Kasoorwar khudko thehrata hoon main,
Wo gar khush hai to use humesha khush rakhna mere khuda,
Bas ek uski khushi hi to chahta hoon main,
Kabhi wo mile to usse ye zaroor kehna ae-dosto,
Ab uske bina nahi reh pata hoon main....
Ab uske bina nahi reh pata hoon main.... :') :')
