Khauf tha Jindagi ko raat se milne ka.......
Par na jaane kyun,
Uske kadam Khud-b-khud hi us aur badh chale the,
Na jaane kyun laga jaise us raat ko hi khoj rahe the,
Na milti us raat se jindagi to behtar tha...
Khud me hi simti rehti to accha tha....

Manjar vo aisa tha,
Mehsoos karna alag tha aur sochna bevkufi thi...
Bas us raat me beh jana hi shayad mazboori thi,
Kara b vahi,par aaj sochta hun...
Na behta to behtar tha,
Khud mein basa rehta to hi accha tha...

Aashiq to bahut the,
Par aashiqi ka matlab to bas hamne hi jana tha,
Us ek raat mein sab khoke agli subah fir jag jaana tha,
Tum Alvida na kehte to behtar tha,
Khair jaane do jo hua vo bhi accha tha.......
Shayad ye waqt ka ek mazak hi tha....

Sign In to know Author